በኦሮሚያ እና በሶማሌ ክልሎች መካከል በነበረው ግጭት ተሳትፈዋል የተባሉ ግለሰቦች በቁጥጥር ሥር መዋላቸውን የወያኔ መንግሥት አስታወቀ

 

ጠብ ጯሪው የወያኔ መንግሥት ተከባብሮና በጋብቻ ተሳስሮ  ባህልን ተወራርሶ የሚኖረውን ህዝብ እራሱ በሚያስነሳው የጎሳ ግጭት በተጨማሪም የሚፈልጋቸውን ለአገዛዙ አልመች ያሉትን ምክንያት አድርጎ ወይኒ ለመወርወር ይጠቀምበታል። የመንግሥት ኮምዩንኬሽን ጉዳዮች ፅ/ቤት ኃላፊ ዶ/ር ነገሪ ሌንጮ ዛሬ በሰጡት ጋዜጣዊ መግለጫ ከኦሮሚያ ብሔራዊ ክልላዊ መንግሥት ብቻ 98 ተጠርጣሪዎች በቁጥጥር ሥር መዋላቸውን ተናግረዋል። ከኦሮሚያ ክልል በቁጥጥር ሥር ከዋሉት መካከል 54 ግለሰቦች በፌድራል ፖሊስ ምርመራ እየተደረገባቸው መሆኑን ዶ/ር ነገሪ ገልጠዋል።ዶ/ር ነገሪ በሁለቱ ተጎራባች ክልሎች አዋሳኝ አካባቢዎች በተቀሰቀሰው ግጭት ከሶማሌ ክልል 29 ሰዎች እጃቸው አለበት ተብለው ቢጠረጠርም በቁጥጥር ሥር የዋሉት ግን 5 መሆናቸውን ተናግረዋል። “ዜጎች በማፈናቀል፣የግድያ ወንጀል በመፈጸም፣ የአካል ጉዳት በማድረስ እና ንብረት በማውደም የተጠረጠሩት” ሰዎች ቁጥር ከተጠቀሰው በላይ ነው ያሉት ኃላፊው በቁጥጥር ሥር ለማዋል የክልሉን መንግሥት እና ሕዝብ ትብብር ጠይቀዋል። ዶክተር ነገሪ በድንበር ይገባኛል ውዝግብ የተቀሰቀሰው ግጭት “ከሞላ ጎደል” ተረጋግቷል ቢሉም ባለፈው ሳምንት በኦሮሚያ የቦረና፣ጉጂ፣ ባሌ እና ሞያሌ አካባቢዎች ከሶማሌ ክልል ከሚያጎራብቷቸው ወረዳዎች ጋር ችግሮች እንደነበሩ ተናግረዋል። በክልሎች የጸጥታ አካላት፣ የፌድራል ፖሊስ እና በመከላከያ ሰራዊት ጣልቃ ገብነት ችግሮቹን ለመቆጣጠር ጥረት መደረጉንም አክለው ገልጠዋል።

Advertisements