ጎንደር ቅዳሜ ገበያ ፈንጂ ፈነዳ

Image result for Gonder Ethiopia sateday shop

መሬታችንን እና መሪዎቻችንን አስበልተን አንቀመጥም ያሉት የጎንደር አማራ ታጋዮች የሕወሓትን መንግስት በየአቅጣጫው እየተፈታተኑት በሚገኙበት በዚህ ወቅት ዛሬ በጎንደር ከተማ ቅዳሜ ገበያ አካባቢ ከተማዋን ያናወጠ ፈንጂ መፈንዳቱ ተሰማ::

የዘ-ሐበሻ ምንጮች ከስፍራው እንደገለጹት ቦምቡን ያፈነዳው አካል ማን እንደሆነ ባይታወቅም በጎንደር የአማራ ተጋድሎ እያደረሰበት ያለውን ሽንፈት በሽብርተኝነት ስም ለመደፋፈን ስርዓቱ ሆን ብሎ ያፈነዳው ሊሆን ይችላል በሚል ሕዝቡ እየተነጋገረበት መሆኑ ታውቋል::

በተለይም ፈንጂው ከመፈንዳቱ በፊት የሕወሓት ሰላዮች ተብለው የሚጠረጠሩ ወገኖች በስፍራው መታየታቸው ሆን ተብሎ የተቀነባበረ ሴራ ሊሆን ይችላል የሚለውን ጥርጣሬ አጉልቶታል የሚሉት ምንጮቻችን በፈንጂው የሞተውን ሰው ቁጥር እያጣሩ መሆኑን እና የቆሉም በሁለት አሃዝ የሚቆጠሩ መሆናቸውን ነግረውናል::

ይህን ዜና ተከታትለን እንዘግባለን::

ይህ በ እንዲህ እንዳለ መንግስታዊው የኢትዮጵያ ዜና አገልግሎት ድርጅት ስለዚህ ፍንዳታ የሚከተለውን ዘግቧል:: ለግንዛቤ እንዲረዳዎት እንደወረደ አቅርበነዋል::

በጎንደር ከተማ ቅዳሜ ገበያ ልዩ ስሙ አሮጌ ብረት ተራ ተብሎ በሚጠራው ስፍራ የሞርታር ቀለሃ(ጥይት) ፈንድቶ የሁለት ሰዎች ህይወት ማለፉን ፖሊስ አስታወቀ፡፡

የሰዎቹ ህይወት ያለፈው የሞርተር ቀለሃን ለብረት ሙቀጫ እንዲውል በማሰብ በመጋዝ በመቁረጥ ላይ እንዳሉ ፈንድቶባቸው መሆኑን፥ የከተማው ፖሊስ መምሪያ የህዝብ ግንኙነት ባለሙያ ኢንስፔክተር ማረልኝ ወንድሙ ገልጸዋል፡፡

ዛሬ ከቀኑ 7 ሰዓት ተኩል አካባቢ በደረሰው በዚሁ አደጋ፥ ህይወታቸው ካለፉት በተጨማሪ በአካባቢው የነበሩ ሶስት ሰዎችም የመቁሰል ጉዳት ደርሶባቸዋል፡፡

ቁስለኞችም በአካባቢው ህብረተሰብ ትብብር በጎንደር ዩኒቨርሲቲ ሆስፒታል የህክምና እርዳታ እየተደረገላቸው እንደሚገኝም ዋና ኢንስፔክተሩ አስታውቀዋል፡፡

ህብረተሰቡ እንደዚህ ዓይነትና ሌሎችም አደጋ ሊያደርሱ የሚችሉ ቁሳቁሶችን ሲጠቀም፥ መጀመሪያ ምንነቱን ማወቅና ጥንቃቄ ማድረግ እንደሚገባም ተመልክቷል፡፡

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s