የተባበሩት መንግስታት የህጻናት መርጃ ድርጅት ዩኒሴፍ (UNICEF) የኢትዮጵያውያኑን ህጻናት መጠለፍ አወገዘ

የተባበሩት መንግስታት የህጻናት መርጃ ድርጅት አርማ

የተባበሩት መንግስታት የህጻናት መርጃ ድርጅት አርማ

 

“የኢትዮጵያ መንግስት ህጻናቱን ለማስለቀቅ ጥረት እያደረገ ባለበት በዚህ ወቅት ዩኒሴፍም ህጻናቱ ያለአንዳች ቅድመ ሁኔታ ባስቸኳይ ተለቅቀው ወደቤተሰባቸው እንዲመለሱ ጥሪ ያቀርባል” ብሏል።

የተባበሩት መንግስታት የህጻናት መርጃ ድርጅት ዩኒሴፍ (UNICEF) የኢትዮጵያውያኑን ህጻናት መጠለፍ አውግዞታል።

ዩኒሴፍ ባወጣው መግለጫ የደቡብ ሱዳን የከብት ዘራፊዎች ናቸው የተባሉ የታጠቁ አጥቂዎች ባደረሱት ዘግናኝ ጥቃት አንድ መቶ የሚሆኑ ህጻናትን ማገታቸውን እጅግ አጥብቀን እናወግዛለን ብሏል። ሁኔታውን እየተከታታተለ መሆኑንና ለታጠቂዎቹ ማኅበረሰቦች ርዳታ ለማድረግ ዝግጁነቱን ገልጿል። በምንም ምክንያት በህጻናት ላይ የሚፈጸም ጥቃት የሰብዓዊ መብት ጥሰት ብቻ ሳይሆን በጋራ ስብዕና ላይ የተፈጸመ ጥቃት ነው ሲል ዩኒሴፍ ኮንኗል።

“የኢትዮጵያ መንግስት ህጻናቱን ለማስለቀቅ ጥረት እያደረገ ባለበት በዚህ ወቅት ዩኒሴፍም ህጻናቱ ያለአንዳች ቅድመ ሁኔታ ባስቸኳይ ተለቅቀው ወደቤተሰባቸው እንዲመለሱ ጥሪ ያቀርባል” ብሏል።

በሌላ በኩል የደቡብ ሱዳን ምክትል የውጪ ጉዳይ ሚኒስትር ባሽር ጋባንዲ (Bashir Gbandi) የኢትዮጵያ ወታደሮች በጋምቤላ ጥቃት ያደርሱትን ደቡብ ሱዳናውያን እያሳደዱ ነው?

ከደቡብ ሱዳን የተሰደደ ህጻን በጋምቤላ የስደተኞች ካምፕ ውስጥ [ፋይል - ፎቶ ሮይተርስ]

ከደቡብ ሱዳን የተሰደደ ህጻን በጋምቤላ የስደተኞች ካምፕ ውስጥ [ፋይል – ፎቶ ሮይተርስ]

የኢትዮጵያ ወታደሮች ደቡብ ሱዳን ግዛት ገብተው ኣጥቂዎቹን እንዲያድኑ የጁባ መንግስት ፈቃድ ሰጥቱዋል? በርግጥስ ገብተዋል? ተብለው ጁባ ውስጥ በተካሄደ ጋዜጣዊ ጉባዔ ላይ በየአሜሪካ ድምጽ የደቡብ ሱዳን አገልግሎት ዘጋቢ ተጠይቀው መልስ ለመስጠት ፈቃደኛ ሳይሆኑ ቀርተዋል።

የጸጥታ ጉዳይ በመሆኑ ለጋዜጠኛ ልናገር አልችልም ያሉት ምክትል ሚኒስትሩ ሆኖም መንግስታቸው ከኢትዮጳያ መንግስት ጋር ኣብሮ ጉዳዩን እየተከታተለ ነው ብለዋል። የኤስ ፒ ኤል ኤ (SPLA) ጠቅላይ የጦር ኣዛዥ ጄነራል ፖል ማሎንግ (Paul Malong) በጉዳዩ ዙሪያ ለመነጋገር በመጪዎቹ ቀናት ወደአዲስ አበባ እንደሚጉዋዙ የደቡብ ሱዳን ምክትል የውጭ ጉዳይ ሚኒስትር አመልክተዋል።

Source/voa.com

Posted By/Lemlem Kebede

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s