አብርሃ ደስታ፣ ሃብታሙ አያሌው፣ ዳንኤል ሽበሺ፣ የሺዋስ አሰፋና አብርሃም ሰለሞን ፍ/ቤት ሳይቀርቡ ተለዋጭ ቀጠሮ ተሰጠባቸው

የሽብርተኝነት ክስ ተመስርቶባቸው በፌደራል ክፍተኛ ፍርድ ቤት 19ኛ ወንጀል ችሎት መከላከል ሳያስፈልጋቸው በነፃ እንዲሰናበቱ ከተበየነላቸው በኋላ አቃቤ ህግ ይግባኝ ጠይቆባቸው ጉዳያቸው በጠቅላይ ፍርድ ቤት እየታየ የሚገኙት የሰማያዊ፣ የአንድነትና የአረና ፓርቲዎች አመራሮች ዛሬ ጥቅምት 22/2008 ዓ.ም በሌሉበት ለጥቅምት 29/2008 ዓ.ም ተለዋጭ ቀጠሮ ተሰጥቶባቸዋል፡፡ ጥቅምት 17/2008 ዓ.ም እንዲሁም ዛሬ ጥቅምት 22/2008 ዓ.ም እንዲቀርቡ ቀጠሮ ተሰጥቶባቸው ለሁለተኛ ጊዜ በሌሉበት ቀጠሮ የተሰጠባቸው አቶ የሺዋስ አሰፋ፣ አቶ አብርሃ ደስታ፣ አቶ ሀምታሙ አያሌው፣ አቶ ዳንኤል ሽበሺና አብሯቸው ይገብኝ የተጠየቀበት አቶ አብርሃም ሰለሞን ናቸው፡፡ በዛሬው ችሎት ፍርድ ቤቱ የአቃቤ ህግ ማስረጃ ዝርዝር ከብይን ጋር ተያይዞ ባለመቅረቡ ለጠቅላይ ፍርድ ቤት የቀረበው የይግባኝ አቤቱታ ላይ መርምሮ ለመወሰን ስላልቻለ፤ ይግባኝ ያስቀርባል አያስቀርባል የሚለውን ለመወሰን በእስር ፍርድ ቤቱ ያሉ ዝርዝር የአቃቤ ህግ ማስረጃዎች ተያይዘው እንዲቀርቡ ትዕዛዝ ሰጥቷል፡፡ የእስር ፍርድ ቤቱ ላይ የቀረቡ የአቃቤ ህግ ማስረጃዎች፤ በዋናነት የተከሳሾች ሞባይሎች፣ ከብሔራው ደህንነት ተገኙ የተባሉ ማስረጃዎች እንዲሁም በአብርሃም ሰለሞን ላይ የቀረበው የተከሳሽነት ማስረጃ ሲሆኑ አቃቤ ህግም ‹‹ማስረጃዎቼ በእስር ፍርድ ቤት ስለሚገኙ በቀጣይ ቀጠሮ አሟልቼ አቀርባለሁ›› ብሏል፡፡ በዛሬው ቀጠሮ ተከሰሾቹ ለምን እንዳልቀረቡ ምንም አይነት ምላሽና ትዕዛዝ አልተሰጠም፡፡ እነ የሽዋስ አሰፋ ጥቅምት 17/2008 ዓ.ም ባለመቅረባቸው ፍርድ ቤቱ ‹‹አቅርቧቸው ብለን አዘን ነበር፡፡ እኛ ነን የምናዛችሁ ወይስ ማን ነው? አሁንም ለቀጣይ ቀጠሮ አቅርቧቸው፡፡›› ብሎ ትዕዛዝ ሰጥቶ እንደነበር የሚታወስ ቢሆንም ለሁለተኛ ጊዜ ባልቀረቡበት ቀጠሮ ሰጥቶባቸዋል፡፡

Source-zehabesha.com

Posted By-Lemlem Kebede

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s