የዞን ዘጠኝ ፀሐፊዎች የዓለም አቀፍ የፕሬስ ነፃነት ተሸላሚ ሆኑ

 

ዋና ፅሕፈት ቤቱ ኒው ዮርክ የሚገኘው በእግሊዝኛ መጠሪያው Committee to Protect Journalists ወይም ከስሙ ምኅፃር ሲፒጄ እየተባለ የሚታወቀው ዓለምአቀፉ የጋዜጠኞች ደኅንነት ተሟጋች ድርጅት ሃሣብን የመግለፅ ነፃነት እንዲጠናከር ስላበረከቱት አስተዋፅዖ የዞን ዘጠኝ ፀሐፊዎችን ሸልሟል፡፡

ሲፒጄ ዞን ዘጠኞችን ለሽልማት ማብቃቱን ያሳወቀው  የመገናኛ ብዙኃን ነፃነት የዘንድሮ ተመራጮቹን ይፋ ሲያደርግ ሲሆን ዞን 9ኞችን ያጫቸው የመናገር ነጻነት በኢንተርኔት እንዲስፋፋ ላበረከቱት አስተዋፅዖ ነው።

የዞን ዘጠኝ ፀሀፊዎች በዌብ ሳይታቸው ሕገመንግሥታዊ መብቶች እንዲከበሩ የሚሟገቱ ሲሆን በፀረ-ሽብ ሕጉ ህዝብን በማነሳሳት በኢትዮጵያ መንግሥት ክሥ ተመሥርቶባቸዋል፡፡

ሁለቱ ፀሀፊዎች በፍትህ ምኒስቴር ክሳቸው ተቋርጦ የተፈቱ ሲሆን አራቱ አሁንም ታስረው ሦስቱ ስደት ላይ ይገኛሉ።

የዞን ዘጠኝ ጋዜጠኞችና የኢንተርኔት ፀሐፊዎችየዞን ዘጠኝ ጋዜጠኞችና የኢንተርኔት ፀሐፊዎች

ዓለም አቀፉ የጋዜጠኞች ደኅንነት ተሟጋች ቡድን – ሲፒጄ ለእነዚህ ወጣት የኢንተርኔት የመናገር ነፃነት ተሟጋቾች ከሌሎች ሦስት ጋዜጠኞች ጋር ዓለም አቀፉን ሽልማት የሰጠው መረጃ ለማድረስ በሙያቸው በጀግንነት ስላበረከቱት አስተዋፅዖ ነው።

የስፒጄ የአፍሪካ ፕሮግራም አስተባባሪ ሱ ቫለንታይን ለቪኦኤ በሰጡት ቃል “ሽልማቱ ለዞን ዘጠኝ ፀሐፊዎች ሥራ ዕውቅና ይሰጣል፤ በአፍሪካ በማኅበረሰብ መገናኛ ብዙኃንና በዌብ ሳይቶች አማካይነት የመናገር ነፃነትን ለማስፋፋት የሚጫወቱትን ቁልፍ ሚና ያጎላል፤ በየሀገሮቹ ያሉ መረጃዎችን ለህዝብ ለማድረስ ዌብ ሳይቶች ያላቸውን ድርሻ ያሳያል” ብለዋል፡፡

ከዞን ዘጠኝ በተጨማሪ ማሌዢያዊ የስላቅ ሰዓሊ ዙናር፣ ፓራጓያዊው ጋዜጠኛ ካንዲዶ ፊሁረዶ ሩዪዝ፣ ሶሪያዊው ቡድን ራቃ የዘንድሮው ሃሣብን የመግለፅ ነፃነት ተሸላሚዎች ሆነዋል።

ሁሉም በዓለም ዙሪያ መረጃ የማግኘት ነፃነት፣ ሃሣብን የመግለፅ ነፃነት፣ የመገናኛ ብዙኃን ነፃነት እንዲከበር የሚሠሩ ባለሙያዎች መሆናቸውን ሲፒጄ አመልክቷል።P

 

Posted By-Lemlem Kebede

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s