ኒው ዮርክ፣ የተመድ ጠቅላላ ጉባዔ መከፈት

Image result for Pan ki mun

የተመድ ዋና ጸሐፊ ፓን ኪ ሙን አውሮጳ ስደተኞችን በመቀበሉ ረገድ ብዙ ድጋፍ እንድታደርግ ጠየቁ። ዋና ጸሐፊው ከ160 የሚበልጡ አባል ሃገራት የተገኙበትን  70 ዓመት የሆነውን የተመድ ጠቅላላ ጉባዔ ዛሬ በከፈቱበት ወቅት ባሰሙት ንግግራቸው፣ አውሮጳ ከሁለተኛው ዓለም ጦርነት በኋላ የዓለምን ርዳታ መጠየቋን አስታውሰዋል። የተመድ ርዳታ ሰጪ መስሪያ ቤቶች በጀት በወቅቱ እጅግ ንዑስ መሆኑን የገለጹት ፓን በአሁኑ ጊዜ በዓለም አቀፍ ደረጃ ቢያንስ 60 ሚልዮን ሰው በስደት ላይ እንደሚገኝ እና ሌሎች 100 ሚልዮንም ሰብዓዊ ርዳታ እንደሚያስፈልጋቸው  አስታውቀዋል።  ብዙዎቹ ስደተኞች የርስበርስ ጦርነት የሚካሄድባት የሶርያ ዜጎች መሆናቸውን ያስታወቁት የዓለሙ መንግሥታት ድርጅት ዋና ጸሐፊ ፓን ኪ ሙን ለዚችው ሃገር ውዝግብ መፍትሔ ለማስገኘት አምስት ሃገራት፣ ዩኤስ አሜሪካ፣ ሩስያ፣ ሳውዲ ዐረቢያ፣ ኢራን እና ቱርክ ቁልፍ ሚና ሊጫወቱ እንደሚችሉ አስረድተዋል።

Source-dw.de.com

Posted By-Lemlem Kebede