Tuesday, April 28th, 2015 | Posted by ዘ-ሐበሻ ከኢትዮጵያ ወጣቶች ብሄራዊ ንቅናቄና ከኢትዮጵያ ብሄራዊ የሽግግር ምክር ቤት ሁሉን አቀፍ አማራጭ ሀይል የማቋቋም ሂደትና ወቅታዊነቱን አስመልክቶ የተሰጠ የጋራ መግለጫ

entc-logo-5Ethiopian_Youth_Movement_Logoሀገር በቀሉ የወያኔ አፓርታይድ ሰርአት በሃገር ውስጥ በህዝባችን ላይ የሚያደርገው  የሰብዓዊ መብት ረገጣ፣ አፈና፤ እስር፤ ግድያ፤ በዘር ከፋፍሎ ማጋጨት፤ ዘረፋና ሀገራዊ ጥቅምን ለባእዳን አሳልፎ መሸጥ የዘወትር ተግባራቶች ከሆኑ አመታት ተቆጥረዋል። ይህንን ግፍ በመሸሽ በአፍሪካና በአረብ አገሮች በስደት ላይ የሚገኙ ወገኖቻችን የዜጎቹን መብት የሚያስጠብቅ ኣትዮጵያዊ መንግስት ባለመኖሩ እጅግ አሳዛኝና ዘግናኝ ለሆኑ ስቃይና ግድያወች ተጋልጠዋል። ይህን ፋሽስታዊ ድርጊትና ተደጋጋሚ ብሄራዊ ቅሌት ለማስቆም የወያኔን መሰሪ ስርአት ከስሩ ነቅሎ ለመጣል በቆራጥነት በጋራ መታገል ብቸኛው መፍትሄ ነው።

ህዝብንና አገራችንን ወደከፍተኛ አደጋ እየገፋ የሚገኘውን ይህን ፋሽስታዊ ስርአት ማስወገድ ያለመቻላችን ምክንያትና የጋራ ችግራችን፤  የኢትዮጲያ ዲሞክራሲ ሃይሎች በማስተባበርና በአንድ ማእከል በመንቀሳቀስ የነጻነት ትግሉን ማካሄድ የሚችል፤ ለኢትዮጵያ ህዝብና ለአለም አቀፍ ህብረተሰቡ አማራጭ የሚሆን ሁሉን አቀፍ ያማራጭ ሃይል ማቋቋም ያለመቻላችን ነው።

የኢትዮጵያ ብሄራዊ ሽግግር ምክር ቤት (ENTC) እና የኢትዮጵያ ወጣቶች ብሄራዊ ንቅናቄና (EYNM)  ቀደም ሲል ጀምሮ በተለያዩ ሀገራዊ ጉዳዮች ላይ አብሮ ሲሰሩ መቆየታቸው ይታወቃል። በጁላይ 2013፤ የኢትዮጵያ ብሄራዊ የሽግግር ምክር ቤቱ  በዋሽንግተን ዲሲ ባዘጋጀው ታሪካዊ የምክክር ጉባኤ ላይ፤ በርካታ ድርጅቶችና ታዋቂ ግለሰቦች በመገኘት በተሳተፉበት ወቅት ሁለቱ ድርጅቶች ትግሉን በመደጋገፍ ለማካሄድ በተለያዩ ነጥቦች ላይ የመግባቢያ ሰነድ (Memorandum of Understanding) በመፈራረም ለህዝብ ይፋ ማድረጋቸው ይታወሳል። ይህንን መሰረት በማድረግ፤ በሃገራችን ኢትዮጵያ የዴሞክራሲያዊ ሥርዓት ግንባታ ሂደት የተሳካ እንዲሆንና በተለያዩ ጐራዎች በተናጥል የሚደረጉ ትግሎች የኢትዮጵያ ህዝብ የሚመኘውን ነፃነት እውን ለማድረግ በቂ አለመሆናቸውን በመረዳት፤ ሁሉን አቀፍ የአማራጭ ሃይል መኖር እጅግ አስፈላጊ፣ ወሳኝና፣ ወቅታዊ መሆኑን በመገንዘብ፤ የአማራጭ ሃይል የማውጣት ሂደቱን በሚቀጥሉት ጥቂት ወራት ተግባራዊ ለማድረግ፤ የሁለትዮሽ ውይይቶችንና ግንኙነቶችን ወደወል ባስቸኳይ በማሸጋገር በጋራ ለመስራት ሙሉ ስምምነት ላይ ደርሰናል።

በዚህ አጋጣሚ ዛሬም እንደወትሮው ነጻነት ናፋቂ ኢትዮጵያዊ  ይህን ወቅታዊ አጀንዳ የግል ጉዳይ በማድረግ አስተዋጽኦና ግፊት ያደርግ ዘንድ አገራዊ ጥሪያችንን እናስተላልፋለን።

ኢትዮጵያ ለዘላለም ትኑር!

የኢትዮጵያ ብሄራዊ የሽግግር ምክር ቤት (ENTC) እና

የኢትዮጵያ ወጣቶች ብሄራዊ ንቅናቄ (EYNM)

Posted By/Lemlem Kebede

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s