የኢትዮጵያ ጦር ሶማሊያ ገብቶ ነበር መባሉ

የኢትዮጵያ ጦር በዚህ ሳምንት መጀመሪያ ከአሸባብ ጋር ግንኙነት አላቸው ያላቸውን የእስልምና ሃይማኖት መምህር ፍለጋ ወደ ሰሜን ሶማሊያ ገብቶ እንደ ነበር ተሰማ። ጦሩ ከገባበት አካባቢ ወዲያው ለቆ መውጣቱ ተዘግቧል።

Somalia Äthiopien äthiopische Soldaten auf dem Weg zu Mogadishu
መጋቢት 8/2007 ዓ.ም. የኢትዮጵያ ወታደሮች የሶማሊያን ድንበር ተሻግረው በፑንትላንድ ግዛት ጋራዌ ወደ ተባለች ከተማ ገብተው እንደነበር ተሰምቷል። ወታደሮቹ በቡሆድሌ ከተማ የሚገኙ ከአሸባብ ታጣቂ ቡድን ጋር ግንኙነት አላቸው የተባሉ መምህር ፍለጋ ድንበር ማቋረጣቸውን በሶማሊያ የዶይቼ ቬለ ተባባሪ ዘጋቢ መሐመድ ኡመር ይናገራል።
«ሁኔታው የተፈጠረው ማክሰኞ ጠዋት ነበር። የኢትዮጵያ ወታደሮች በከተማዋ የሚገኙ የቁርዓን መምህር ከአሸባብ ታጣቂ ቡድን ጋር ግንኙነት እንዳላቸው መረጃ ደርሶናል በማለት ወደ ከተማዋ መግባታቸውን ተናግረዋል። መምህሩ በኢትዮጵያ ግዛት ውስጥ የሚፈጸም ጥቃት በማቀነባበር ላይ ነበሩ ብለዋል።»

Karte Somalia mit Puntland

ከአሸባብ ጋር ግንኙነት አላቸው ጥቃት ለመፈጸምም እያቀዱ ነበር የተባሉት መምህር የኢትዮጵያ ወታደሮች ድንበር መሻገራቸውን መረጃ ደርሷቸው ከአካባቢው መሰወራቸውን መሐመድ ኡመር ተናግሯል። በወቅቱ በአንዲት ሴት ላይ የአካል ጉዳት የደረሰ ሲሆን የኢትዮጵያ ወታደሮች ወዲያው አካባቢውን ለቀው መውጣታቸውን መሐመድ ይናገራል።
«ከተልዕኮው በኋላ ወዲያውኑ ወታደሮቹ የቡሆድሌ ከተማን ለቀው ወጥተዋል። የኢትዮጵያ ወታደሮች ከአፍሪቃ ህብረት ሰላም አስከባሪ በተጨማሪ በህገ-ወጥ መንገድ በሶማሊያ የተለያዩ ከተሞች ይገኛሉ። ወታደሮቹ የሚገኙት በሁለቱ ሃገሮች የድንበር አካባቢዎች ነው። ለምን ተብለው ሲጠየቁ የሃገራቸውን ደህንነት ለማስጠበቅ እና ወደ ኢትዮጵያ ለመሻገር የሚሞክሩ የአሸባብ ታጣቂዎችን ለመቆጣጠር እንደሆነ ይናገራሉ።»
የኢትዮጵያ መንግስት በጉዳዩ ላይ እስካሁን የሰጠው አስተያየት የለም። በ1999 ዓ.ም የእስላማዊ ፍርድ ቤቶች ሕብረት ተብሎ የሚጠራው የጊዜው አስተዳደር በኢትዮጵያ ላይ ጥቃት ለመሰንዘር መዛቱን ተከትሎ ኢትዮጵያ ወታደሮቿን ማዝመቷ አይዘነጋም። ከአንድ አመት በላይ በሶማሊያ በቆየው ዘመቻ በስልጣን ላይ የነበረው እስላማዊ ፍርድ ቤቶች ህብረት ቢሸነፍም የኢትዮጵያ ጦር ቆይታ መራዘም በሃገሪቱ ዜጎች ዘንድ የተከፋፈለ ስሜት መፍጠሩ አይዘነጋም። አሸባብ ሶማሊያን ከተቆጣጠረ እና በቀጣናው ላይ ስጋት ከፈጠረ በኃላም በታጣቂ ቡድኑ ላይ በተወሰዱ ተልዕኮዎች የኢትዮጵያ ጦር ከፍተኛ ሚና ነበረው።
እሸቴ በቀለ
ተክሌ የኋላ

Posted By/ Lemlem Kebede

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s