ሴት ጦማሪያን ፍርድ ቤት የሰጠላቸውን ትዕዛዝ ማረሚያ ቤት አላከበረም አሉ

መዝገቡን መርምሮ ብይን ለመስጠት ተለዋጭ ቀጠሮ ተሰጠ

በእስር ላይ የሚገኙት ሴት ጦማሪያን፣ የመብት ጥሰት እየደረሰባቸው መሆኑን በመግለጽ ለፍርድ ቤት አመልክተው ፍርድ ቤቱ እርማት እንዲወስድ የሰጠውን ትዕዛዝ፣ የአዲስ አበባ ማረሚያ ቤቶች አስተዳደር ተግባራዊ አለማድረጉን ጥቅምት 25 ቀን 2007 ዓ.ም. ለፍርድ ቤት አመለከቱ፡፡

 ማህሌት ፋንታሁንና ኤዶም ካሣዬ፣ በማረሚያ ቤት እየደረሰባቸው የሚገኘውን መገለልና በሕገ መንግሥቱ የተሰጣቸውን ንፁህ ሆኖ የመገመት መብታቸውን እያጡ መሆኑን ለፍርድ ቤቱ አመልክተዋል፡፡ ፍርድ ቤቱ ቀደም ብሎ በሰጠው ትዕዛዝ፣ ጦማሪያኑ እንደ ማንኛውም ተጠርጣሪ፣ ተጠርጣሪ መሆናቸውን ገልጾ፣ ከማንኛውም ታራሚ እኩል እንዲታዩ ትዕዛዝ መስጠቱን አስታውሰዋል፡፡ በተጨማሪም ቤተሰቦቻቸው ‹‹ለአሥር ደቂቃ ብቻ›› እንደሚጠይቋቸው በመግለጽ አንስተውት ለነበረው አቤቱታም፣ ፍርድ ቤቱ እንዲስተካከል ተናግሮ፣ ይኸ ሳይሆን ቀርቶ  በድጋሚ አቤቱታ የሚያቀርቡ ከሆነ፣ ምርመራ አድርጐና አጣርቶ ተገቢ ዕርምጃ እንደሚወስድ ጥብቅ ትዕዛዝ የሰጠ ቢሆንም፣ ተግባራዊ እንዳልተደረገላቸው በድጋሚ በአቤቱታቸው አስረድተዋል፡፡

ቤተሰቦቻቸው ፍርድ ቤቱ የሰጠውን ትዕዛዝ በመስማታቸው፣ እንደ ማንኛውም ጠያቂ ከጠዋቱ አራት ሰዓት በማረሚያ ቤት የተገኙ ቢሆንም፣ እንዲገቡ የተፈቀደላቸው እንደተለመደው በስድስት ሰዓት ሆኖ ለአሥር ደቂቃ ብቻ መሆኑንም አክለዋል፡፡ ያስመዘገቧቸው ወላጆች አዛውንቶች በመሆናቸው፣ ማረሚያ ቤት ድረስ በየቀኑ ተመላልሰው መጠየቅ እንደማይችሉ በመግለጽ፣ እንደ ማንኛውም ተጠርጣሪ ሌሎች ዘመዶቻቸው እንዲጠይቋቸው ትዕዛዝ እንዲሰጥላቸው አመልክተዋል፡፡

ፍርድ ቤቱ የማረሚያ ቤት ተወካይን ሲጠይቃቸው፣ ቀደም ባለው ችሎት የማረሚያ ቤቱ ሴት ታራሚዎች ክፍል ኃላፊ ቀርበው ሁሉም ነገር እንደ ማንኛውም እየተደረገላቸው ነው፤›› ብለው ማስረዳታቸውን በማስታወስ፣ አሁንም ፍርድ ቤቱ የሚሰጠውን ትዕዛዝ ከማድረስ ባለፈ የሚሉት ነገር እንደሌላቸው ተናግረዋል፡፡ ፍርድ ቤቱ ጦማሪያኑ እየደረሰባቸው ያለውን ‹‹አሸባሪዎች ናቸው›› በሚል መገለላቸውንና ሌሎች በደሎችንም በጽሑፍ ባቀረቡት አቤቱታ ተቀብሎ፣ ትዕዛዝ ሰጥቷል፡፡ በቀጣይ ቀጠሮ የማረሚያ ቤቱ ዋና ዳይሬክተር ቀርበው እንዲያስረዱ አዟል፡፡ ፍርድ ቤቱ በዕለቱ ቀጠሮ ይዞ የነበረው፣ ዓቃቤ ሕግ በመሠረተው ክስ ላይ ጦማሪያኑ ያቀረቡትን የክስ መቃወሚያና ዓቃቤ ሕግ በድጋሚ በክስ መቃወሚያው ላይ የሰጠውን ምላሽ መርምሮ ብይን ለመስጠት ነበር፡፡ ነገር ግን ፍርድ ቤቱ መዝገቡን መርምሮ አለመጨረሱን በመናገር ብይን ለመስጠት በድጋሚ ተቀጥሯል፡፡

Source- reporter.com

Posted By- Lemlem Kebede

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s